EL SITO

Gera un toco che gavevo un’idea

me gero messo in testa ‘na roba bea

anca mi, go dito, vogio esser moderno

tacarme col computer far vedar al mondo

tuto quelo che fasso quasi mi fosse un perno

de ‘sta banda de mentecati che a tuto tondo

me par de poder dir ze proprio fora de vada.

No te riessi a capir come che i fassa

i struca sti botoni co ‘na furia da mati

i ze tuti colegai co sti gran cerveloni

e no te ti incorzi come i riessa tuto d’un boto

farte vedar el mondo come fosse un casoto.

Maria vergoa, a go dito, anca mi voria

anca mi a far vedar me piasaria

tute le bele robe che go fato

a le amighe e agli amissi

che sempre me domanda

‘na poesia, ‘na preghiera, ‘na storia

par el piasser del lezer

de comoverse o de pianzer

e finalmente so riussio co’ gran fadiga

a metter insieme i tochi e  el maestro me ga dito

caro professor finalmente anca lu ga el sito.

(lujo, 2012)